मुळा (Radish) लागवड

मुळा थंड हवामानातील पीक असून त्याची लागवड मुख्यत: रब्बी हंगामात केली जाते पण वर्षभर सुद्धा पीक घेता येते. मुळ्याची वाढ जमिनीत होते . त्याच्या पाचक व सारक गुणामुळे पचनशक्ती वाढते व हिरव्या पानात अ आणि क जीवनसत्व असते. मुळ्याचे पीक थंड हवामानातील असून त्याची वाढ २० ते २५ अंश सेल्शियस तापमानात जलद होते. जमीन भुसभुशीत, रेताड व खोल असावी. बी तपकिरी फिकट रंगाचे असते व १५-२० से.मी. अंतरावर पेरावे. हिवाळ्यात ८-१० दिवसाने व उन्हाळी हंगामात ४-५ दिवसांच्या अंतराने पाणी देणे. नेहमी ओलसरपणा कायम राहील एवढे पाणी देत गेले पाहिजे. मुळ्यावर कीड पडल्यास चाळलेली राख फेकावी . खोडाजवळ मातीची भर घ्यावी . मुळा ४० ते ५० दिवसात काढणीस तयार होतात व काढण्यापूर्वी पाणी द्यावे व हाताने मुळे तुटणार नाहीत याची काळजी घेवून उपटावे.